Duò Bourry-Rouch
\\ Musica tradicionala deth Coserans e deth Pirenèus //
Lo Concèrt-Conferéncia :
Durada : 1h15
Especialistas deths instruments pirenencs, Pierre e Michaël prepausan un viatge musicau capvath aquesta cadena de montanhas en tot hèr descobrir eth arriquèr instrumentau. Que vos miaràn deth Bascoat a Catalonha en presentar un pialèr de bots, aboèsi e auti instruments a vent e a còrdas. Que vos parlaràn deras practicas ligadas ad aquestas tradicions, illustradas per melodias e cantas tradicionalas.
Lo Bal Tradicionau :
Durada : 1h a 2h
Que prepausam un bal tradicionau orientat sus eras danças e musicas deths Pirenèus centraus. Peths non-iniciadi, quauqui explics son possibles. Que i a tanben eras danças deras Lanas, d’Auvèrnha, de Lemosin, deth Centre, de Biarn, deth Bascoat e de Catalonha : en cadéncia !
Pierre Rouch
Bots :
Bot de Gemecs
Gaita de bota,
Bodega
Boha
Bot d'Aran
Bot Medievau Puivert
Chabretas
Bots deth Centre
Aboèsi:
Aboès deth Coserans
Clarin de Bigòra
Txanbela
Alboka
Caremèra de Gasconha
Acordeon Diatonic
Cant
Michaël Bourry
Vriolons & vièlas
Vriolon P.Fournier
Vriolon ancian
Alto
Vièla a arquet Medievau
Tamborin
Guitarra
Cant
Eths Musicians :
Michaël Bourry que desvelopa ua passion vertadèra pera musica gascona, sus era quau arrealisa un trebalh d’impregnacion, d’arrecèrca e de compreneson, autant sus eth plan etnomusicologic coma artistic. En alternar entre ua practica regulara deth bal tradicionau coma musician (e dançaire), e ua arrecèrca deras arraïtz d’aquestas musicas gràcia a documents de collècta e encontres, que’s harga un espaci musicau que lèisha madurar dab era practica, e ath hiu deths projèctes musicaus e grops professionaus aths quaus e participa. Eth ensenhament deth vriolon e deras danças gasconas qu’au permeten tanben de perfeccionar eth sòn jòc.
Pierre Rouch, factor d’aboèsi e de bots, que s’especialisa sus eth instrumentarium deths Pirenèus. Qu’arrealisa un trebalh d’arrecèrca sus eths instruments ancians e que trebalha tanben sus era construccion d’instruments adaptadi aras musicas actualas. Dempuish ua vintiá d’annadas, que participa a diferents projèctes musicaus : Gadalzen, Mosaïca, Matta-Rouch, Bouilleur de sons...
Aquesti dus musicians que vos prepausan un viatge musicau capvath eths Pirenèus, deth Bascoat a Catalonha, entà descobrir instruments tradicionaus.